[Deewan] second posting

[mrityunjay tripathi]

sabse pahele ek kavita ka jayaaka lein .............
  kavita veeren dangaval ki hai
   
  ghaffar
   
  chehare par ek vachaal musskaan
  katthe ke chamakdar lote par jaltarng
  tajurabe sa hi aata hai yeh sab 
  kurta safed hi rahega atineelgrasta jhakkajhakk
  ghutane to khair dukhenge hi
  solah ghante jab lagatar baithana hoga
  is bitte bhar ki gumati mein
   
  "ab vo bat kahan rahi saheb
  ab to ek se ek aave laga hai
  university mein parhane ke liye."
   
  is hikarat mein hai chaplusi ka ek adwitiya dhang
  tazurabe se hi aata hai yeh sab
   
  "apana ladaka haii ekram
  wah baharhal chhathi se aage nahin gaya."
   
  itana zaroor hai ki kabhi kisi chhatraneta tak se
  gali nahin khai ghaffar ne
  halanki udhar bhi na diya
            kisi kamzor aasami ko.
   
  shahar allahabad ke chhatra rajniti se garhe riste ko yeh kavita batati hai aur yeh bhi ki "ek se ek" parhane wale nabbe ke dashak mein aaye, jo nishaya hi prachalit manyataon ke hisab se samanya nahin the.
   
  ab kuchh batein allahabad mein pasare degree colleges se: 
  in collegon mein administration aur management ke aage chhatra neta bhigi billi bane rahaate hain. ek purani ghatana, jo log sunate hain,haalanki usake dastavezi praman nahin hain,yeh ki CMP degree college mein ek chhatra neta sirf isliye nanga hokar daura tha kyonki prashasan ne us par dabav dala aur use goad(adoopt) lene ka aashwashan diya tha.
  hal mein usi degree college meiin vice president priti tripathi ne apane liye chamber ki mang ki . use anya dusare lampat purush padadhikariyon ke sath baithana padata tha. na hi usaki yeh mang puri huee,ulte usaka charitrahanan karate huye pura administratin aur dusare neta usake khilaph khade ho gaye.
  iisase in colleges mein chhatraon ki sthiti ka namuna liya ja sakata hai.
  inamein classes na ke barabar chalati hain. yahan syllabuses shayad hi kabhi pure hote hon.yahan ke achchhe chhatra bina enrollment ke university mein classes lete hain.shahar ke aaspas pasare gramin ilakon se aane wale chhatra hi inamein daakhila lete hain.ve apas mein to paryapta mar peet karate hain lekin college administration aur state ke khilaf aandolan karane se darate hain.kaarib karib apane pitaon ki tarah joapane ghusse ki catharsis apane hi band samuday mein  kar dalate hain.
  ECC mein,2002 mein,HAASIL film ki shooting ke virodh mein chhatra sangh ne call di. virodh ka karan padhai mein shooting se hone wala disturb tha.college administration ne PAC bula li aur president sahit tamam chhatron ko dhun diya.wahin university mein chhatra netaon ne film nirmataon se shooting ke liye paise mange.do tarah ke ye response do tarike ki chhatra rajniti bakhanate hain.administrationAU mein chhatra netaon se darata hai jabki degree colleges mein mamala isaka ulat hai.pratirodh ka sangathit hona isaki vazah hai.
   
  ab kuchh batein aparadhikaran ke sandarbh mein;
  90 ke dashak mein chhatra rajniti mein naye tarah ka power balance bana.pichhadi aur dalit jatiyon ke creami layer ki taraf se mukhya dhara rajniti mein aane ki mang uthi. ve aaye, ek aitihasik prakriya ke tahat aur unake aane se savarna kabza tuta.abhi bhi yeh prakriya chal rahi hai aur kai tarah ke conflicts ki vazah bani huee hai,jisaka sabse mukhar rup chhatra sangh chunavon mein dikhata hai.UP ki politics mein aparadhikaran ke karan hi kamobesh chhatra rajniti ke bhi aparadhikaran ke karan hain.chhatra neta kamalesh yadav,jo pichhale chunav mein mahamantri pad ke ummidvaar the,ki Ex vice president manoj singh dwara ki gayee hatya ko is aalok mein samajha ja sakata hai.
   
   
  khair,mazedaar yeh hai ki allahabad university mein president ka achunav ladane wale candidates ki umra ausatan 40 varsha hai.is ek tathya se mushkil yeh hoti hai ki is rajniiti ko chhatra rajniti kaha ja sakata hai ya ....................        

				
---------------------------------
 Jiyo cricket on Yahoo! India cricket
Yahoo! Messenger Mobile Stay in touch with your buddies all the time.
-------------- next part --------------
An HTML attachment was scrubbed...
URL: http://mail.sarai.net/pipermail/deewan/attachments/20060225/c4a70613/attachment.html