[Deewan] mere kriya-kalap

[girindranath jha]

 " Mere piya gaye Rangoon kiya hai wahan se Telephone   

   Piya ki yaad saataatee hai piya ki yaad saataatee hai..."
                                                       (filmeegeet)   
 Delehi ke Mandawalee iilake me rahhane wala Sohan jo pese se Riksa chalak hai, khata hai "jab mera mann yehan se uchatt jata hai tabb mann halka kerne ke liyae ghar batt ker leta hun...". Delhi me yese anek Sohan hai jo es telephone ke madhyam se mann halkaa kerte aayee hain.
   Main aapne soodh me Telephone Booth ke aaspass bunte jaa rahe PRAVASEE SANSKRITEE ka aadhyan karunga. ye Telephone jorta hai piya ko sajnee se, sahar ko gaun se ,mandawalee ke sohan ko pariwar se,Delhi ko Bihar se ...jharkand se... is jorne me Telephone Booth ek khas bhomika aada karta hai. In Telephone Boothon ki prakirtee,inse jorre log-bag kaphi tezee se badalte ja rahe hain.Jaisa ki pehle hota tha ki Telephone Booth ek nischeet jagha per hota tha, unkee waestha ek office ki tarah hotee thi . kintu aaj chalta-phirta Telephone booth ya chaya - paan ke stallper rakhe Telephone set aapne prakirtee ke badlaw ki aur sanket ker rahe hain.Delhi ke PRAWASEE bhaul iilake me moojood Telephone booth bhi aaj ese rang me doob gayae hain.Telephone booth ki prakirtee me hue balaw per jara goor karen-
1997: Dukan ki baharee diwar per pile rang se pent kiya gya hai aur bare aksharon me likha gaye hai..."TELEPHONE BOOTH" dukan ke aander ek table per mashine rakha hai aur likha jaa raha hai .."DIAL NUMBER" ek aadmee wahin kursee per betha hai jo aanee walon ka swagat karta hai aur kahata hai " kahan baatt karna hai....aachaa main number laga deta hun...
2006: Ek khulee jhaga hai , table per bina taar ka ek sett rakha hai. ek aadmee wahan radio per gana sun raha hai .Log aatee hain waha radio ki awaj dhimeeker deta hai , aanewale baatt kerte hain ,meter per uthe paise deker chale jate hain. Rilyanse aur TATa ke fixed wireless set ke aane se bazar ka aab yehee roop ho gaya hai.
     Boothon ke swaroop ke saath inka malikana bhi badla hai.Niyamon ki pechidee ke karan phele aasthaniya log hi malik hua karte the,lekin aaj esthee badal gyee hai. Saraikale khan ke najdeek ek jhugee me anek fixed wireless set wale booth hain ,jise PRAWASEE hi chala rahen hain.unhee me Saharsaa(Bihar) ka Mukesh bhi hai. Mukesh ne kaha ki usee yeh sett aaram se mil gaya ..aur yeh aacha kaam bhi karta hai..Telephone booth ke badalte malikana roop ka aadhyan es roop me majedar hoga.
     Main apne soodh me Delhi ke do pramukh PRAWASEE iilake me mojood telephone boothon ka aadhyan karunga.jo ki MANDAWALEE aur WAZIRPUR ke najdeek ka jhugee iilaka hai.Prantu sahar ke boothon ka aadhyan hin kaphi nahin hoga ,kyunki sahar ke boothon ke taar door  gaun tak joree rahete hain. isleya main Dilhi ke sang-sang Bihar ke Purnea zile ke ek gaun Sreenagar ka bhi aadhyan karunga.Pramukh sawal yeh bhi ki booth sanskritee ne puranee POSTCARD-MONEYORDER sanskritee ko kis kadar prabhweet kiya hai? jaisa ki Indrapuri me rahne wala Anandee saha batata hai ki "aab paisa ghar bhej kar chithee ka intzar nahi karna parta hai ..aab phone ker ke puch lete hain ki paisa pahuncha na.." Anandee saha jaise anek PRAWASEE hain jo aab Telephone Booth ko sahara man ne lage hain.
     Gaun ke Telephone booth ke kriyakalapon aur uskee prakirtee me kaphi aanter hai.prakirtee isley ki  wahan ke booth fixed wireless wale nahi hai aur na hi chalte phirte... wahan ke boothon ke karyapranali me ek khas aanter hai aur wha hai Boothon ke madhyam se hone wale Soshan ka..Booth malik computerised meter nahi rakhkar manmane paise lete hain. isprakar gaun aur sahar ke boothon ka aadhyan us ttar ko samjhane ki kosis kerega jo na to SAHARI PARYAWAN hai aur na GRAMIN SAMAJWAISTHA hai.
     PRAWASEE iilakon me Telephone booth ka waist rahana yeh batata hai ki bataen jam kar ho rahi hai..jo ki telephone ka mool aadhar hai.jaisa ki kaha jata hai ki log telephone lete hai baten karne ke liye.in boothon per jab baaten hoti hai to gaur kerenge to pata chlega ki hum ek jagha anek bhasa aur sanskritee ko dekh rahen hai.
   Es aadyan ka ek pahulu yeh hoga ki boothon ke aaspass ke bhasaee sanskretee ke behtar sawalon se jhuga jye.Saachatkaron(interviews) aur lambe wakteegat awalokonon ke dwara  PRAWASEEON  me is booth ke aahmiat ko ujagar kia gyega.
     Prantu ek pechida mamla yeh bhi hoga ki es aadhyan ko kis prakar aabhiwaket kiya jaye? es estat per main chottee-chottee nimandh,fields notes ke tookree, photo aur audio recordings ka sahara lunga.Lekin ek baree saamasyaa un ichaaun ko aabhiwaekt karne me hoga jo in boothon ke do choroon ke bich panaptee hai.
   Us PRAWASEE mann ko kaise likha jaie ,jo saharee aawo- hawa me basne ka pryass kar raha hai......
     "Mujhe tumahare sahar ka mausam bara suhana lege
     ek saam chura lu  gar  bura  na lege..........."
                                      (javed Akhter)
    Wahin gaun me bethi piya bhi Delhi sahar me kaam ker rahe Sajan se kahatee hai.....
    " Sajan choor na aapan gaun re
      too ker yaad Telephone se    "
                          
   Main soodh ke aant me karib 50-60 lambe saachatkar(interviews)ke recordings,kam se kam 200-300 digital photographs aur 5-7 minut ka ek video archives me prastut karunga. soodh samagree mere field notes aur alekhon ke saath mere Blog www.chanka.blogsource.com  per bhi mojood rahega.            

  
-------------- next part --------------
An HTML attachment was scrubbed...
URL: http://mail.sarai.net/pipermail/deewan/attachments/20060127/b17e6113/attachment.html