[Deewan] larkiyan : allahabad ke chhatron(purushon) ke beech

[mrityunjay tripathi]

sarai ke basindon ko allahabadi salam.
  allahabad ki chhatra rajniti ke kuchh aur pahlu dekhane ki koshis kar raha hoon.abki bar aadhi aabadi ke bare me kuchh baten.
  campus me aur degree colleges me alag alag parivarik pristhbhoomion se larkiyan parhne aati hain. university me parhne vali larkiyan aam taur par ya to sahar ke bahar ki hoti hain(purvanchal ke vibhinn jilon se ) ya phir university ke aas pas ke muhallon tolon ki. in larkion ki parivarik pristhabhoomi middle class ya lower middle class se hoti hain. upper class ya upper middle class ki larkion ka rukh intermidiete ke bad dilli ki or ya phir profetionl courses ki or ho jata hai. jabki degree colleges ya mahila degree colleges jinki tadat kafi hai ki or aane vala tabka sahar allahabad ka mool bashinda hota hai. ye larkiyan aapni shadi ke liye kam n kahi jayen,inki parhai ka masraf yahi tay kiya jata hai.jabki bahar se aakar university me parhne vali larkiyan aapne carrer ko lekar ek had tak sachet hoti hain.aur kamobesh unake aabhibhavak bhi iske liye taiyar hote hain.
  aatit me bhi aise kuchh gine chune hi udaharan dikhate hain jab university  ki rajniti me larkion ne neta ke taur par bhagidari ki ho.aapvad ke liye kuchh nam liye ja sakte hain.in aapvadon me aadhikanstah left ke organigations se rahi hain. matlab yah ki larkiyan mukhhyadhara ke liye static vote bank rahi hain.yahi karan hai ki yahan ki rajniti me mahilaon ka koi mudda kendra me nahi raha.larkiyan apane agende par bat karne ki bajay jati, chhetra, personal reletion aadi par vote karti hain. larkon ke barakhs larkiyan jati chhetra aadi se sidhe nahi judtin balki yah sab relations ke aavaran me unake samane aata hai.yah personal interest bhi kafi simit hota hai. mahila degree colleges me chunav nahi hote aur kahi hote bhi hain to behad apolitical(administretion ki kripa se).vote karne ka pratishat aam taur par larkon ki aapeksha behad kam hai. pichale A.U. chhatrasangh chunav me keval 600-700 larkion ne vote kiya tha. isme bhi rochak yah ki sahar me jin larkion ka ghar hai unaki
 voting sankhya lagbhag nahi ke barabar thi.
  sare campuses larkion ke liye ak taklifdeh jagah hain. aam taur par larkiyan campus me bahut kam der tikana pasand karti hain.larkion ka yah asuraksha bodh campuses ka sabse common feature hai. vishvavidyalay ke common saval unke aapne saval nahi bante kyonki unke aapne saval unke liye kai guna jyada jatil aur bhayavah hain jo kahin agende me nahi hote. 90 ke dashak aur bad me chale fee hike aadi muddon par larkion ki bhagedari thik thak rahi hai parantu unaka rukh mukya dhara rajniti ke prati nakaratmak hi bana raha. ek aadh larkiyon ne jab bhi kabhi chunav me shirkat ki to unhe larkion ke sath sath aam chhatron ka bhi bharpoor samarthan mila par mukhyadhara unko aapna hissa nahi manti aur hamesha hi unke khilaf kam karti hai. yahan tak ki chunav jitane ke bad bhi unko aahmiyat nahi milati.
   

				
---------------------------------
 Jiyo cricket on Yahoo! India cricket
Yahoo! Messenger Mobile Stay in touch with your buddies all the time.
-------------- next part --------------
An HTML attachment was scrubbed...
URL: http://mail.sarai.net/pipermail/deewan/attachments/20060322/8fc4f3fe/attachment.html